काठमाण्डौमा जुवाको खालबाट नुवाकोटका तीनजना समातिए

नुवाकोट । नुवाकोटका तीनजना जना जुवाको खालबाट पक्राउ परेका छन् ।

काठमाण्डौको एक होटलमा छापा मार्दा नुवाकोटका तीनसहित अन्य ८ जनालाई प्रहरीले पक्राउ गरेको हो ।

जिल्ला प्रहरी परिसर, टेकुको टोलीले विशेष सूचनाका आधारमा छापा मारेर ११ जना जुवाडेलाई पक्राउ गरेको एसएसपी भुपेन्द्र खत्रीले बताए ।

विशेष सूचनाको आधारमा प्रहरी वृत्त, लैनचौरबाट समेत खटिएको टोलीले नुवाकोटका कृष्णबहादुर राई, राजु पन्त र शंकर शाहीलाई पक्राउ गरेको हो ।

पक्राउ पर्ने अन्यमा जोरपाटीका अरुण घिमिरे, काभ्रेका हरिबोल खनाल, किशोर अधिकारी, चितवनका दिपक गुरुङ, रुपन्देहीका घनश्याम शर्मा, रोल्पाका लीला डाँगी, बाँकेका मेद्दनाथ बुचबन्दिया र गोरखाका अर्जुन गुरुङलाई पक्राउ गरेको छ ।

उनीहरुको साथबाट १३ लाख ६२ हजार ५ सय रुपैयाँ र ४ बुक तास बरामद भएको प्रहरीले जनाएको छ ।

पक्राउ परेकाहरुमाथि जुवा ऐन अनुसार कारबाही प्रक्रिया अघि बढ्ने प्रहरीले जनाएको छ ।