नुवाकोटको बेलकोटगढीमा भिरबाट लडेर एक जनाको मृत्यु

नुवाकोट । नुवाकोटको बेलकोटगढी नगरपालिकामा आईतवार विहान भिरबाट लडेर एक जनाको मृत्यु भएको छ ।

मृत्यु हुनेमा बेलकोटगढी नगरपालिका वडा नम्बर ८ नम्बर का ५६ वर्षिइ देबिवहादुर कार्की रहेको जिल्ला प्रहरी कार्यालय नुवाकोटले जनाएको छ ।

उनी वडा नम्बर ८ मै पर्ने चिसापानीको भीरमाबाटोबाट करिब ५० मिटर तल मृत अवस्थामा भेटिएको जिल्ला प्रहरी कार्यालय नुवाकोटले जनाएको छ ।

मृतक कार्की शुक्रवारदेखि नै सम्पर्कमा नआएपछि प्रहरीको टोलीले खोजी गर्ने क्रममा मृत अवस्थामा फेला परेका हुन् ।

मृतक कार्कीको शव पोष्टमार्टम पछि आफन्तलाई जिम्मा लगाइएको छ भने घटनाको विषयमा थप अनुसनधान भइरहेको जिल्ला प्रहरी कार्यालय नुवाकोटले जनाएको छ ।