खड्गभञ्ज्याङ्ग महिला साना किसान कृषि सहकारीको अध्यक्षमा ठकुरि

नुवाकोट । नुवाकोटको विदुर नगरपालिका वडा नम्बर ३ सिर्खालीमा रहेको खड्गभञ्ज्याङ्ग महिला साना किसान कृषि सहकारी संस्था लिमिटेडको चौथो वार्षिक साधारणसभा तथा अधिवेशन सम्पन्न भएको छ ।

अधिवेशनले सावित्री ठकुरि माझिको नेतृत्वमा नयाँ ७ सदस्यीय कार्यसमिति निर्विरोध निर्वाचित गरेको छ । यस्तै सहकारीको उपाध्यक्षमा चन्द्रावति ढकाल चयन भएकी छिन् भने सदस्यहरुमा दीपा बस्नेत(पण्डित), कल्पना पौडेल, मिरा घिमिरे, लक्ष्मि अमात्य र मेलिना श्रेष्ठ चयन भएको छन् । त्यस्तै लेखा सुपरिवेक्षण समितिमा मैना देवि दाहाल, देबकि श्रेष्ठ र गोमा लामिछाने चयन भएका छन् ।

साधारणसभाले अध्यक्ष मैना देवि दाहालको आर्थिक वर्ष २०७९÷८० को प्रतिवेदन, लेखा सुपरिवेक्षण समितिका प्रमुख लक्ष्मी अमात्यको लेखा सुपरिवेक्षण प्रतिवेदन, संस्थाका प्रवन्धक चन्द्रकला खतिवडाको प्रतिवेदन पारित गरेको छ ।

वि सं २०७६ सालमा स्थापना भएको सहकारीमा एकसय ३ समुहमा विदुर नगरपलिका वडा नम्बर ३ र ५ का ६ सय १३ किसान सदस्यहरु आवद्ध रहेका छन् । २०८० असार मसान्तसम्ममा सहकारीले१ करोड ४९ लाख रुपैयाँ निक्षेप संकलन गरेको छ ।

आर्थिक वर्ष २०७९÷८० मा सहकारीले कुल ३ करोड ४ लाख ५ हजार लगानी रहेको गर्दा ४ लाख ३० हजार ९ सय ७१ रुपैयाँ खुद नाफा आर्जन गर्न सफल भएको छ । सहकारीको असुली दर ९९.७५ प्रतिशत रहेको छ ।

सहकारीको साधारणसभामा विदुर नगरपालिकाका मेयर राजन श्रेष्ठ, विदुर नगरपालिका वडा नम्बर ३ का वडाध्यक्ष बद्री रिमाल , नेपाल कृषि सहकारी केन्द्रीय संघका लेखा समिति सदस्य पबित्रा घिमिरे,साना किसान बिकास लघुबित्तीय संस्थाका प्रतिनिधि सुर्य अधिकारी लगायतको उपिस्थिति रहेको थियो ।