महिला समुहको भवन निर्माणको लागि खड्काले दिए एकलाख रुपैयाँ

नुवाकोट । नेकपा एमाले नुवाकोटका युवा नेता तथा समाजसेवी शुशिल खड्काले महिला समुहको भवन निर्माणको लागि एक लाख रुपैयाँ सहयोग गरेका छन् ।

शनिवार शिवपुरी गाउँपालिका वडा नम्बर ५ नेपानेका क्रियाशिल महिला समुहको भवन निर्माणको लागि खड्काले एक लाख रुपैयाँ आर्थिक सहयोग गरेका हुन् ।

उनले नेकपा एमाले नुवाकोटको अध्यक्ष बद्री मैनालीको उपस्थितिमा एक लाख रुपैया आर्थिक सहयोग हस्तान्तरण गरेका हुन् ।

 

समाजसेवी खड्काले चुनावको समयमा गरेको प्रतिवद्धता अनुसार महिला समुहलाई भवन निर्माणको लागि सहयोग रकम हस्तान्तरण गरेका हुन् ।

गत वर्ष मंसिरमा सम्पन्न निर्वाचनमा खड्का नुवाकोट क्षेत्र नम्बर १ को प्रदेश क बाट प्रदेशसभा सदस्यको प्रत्याशी रहेका थिए । खड्काले चुनावमा गरेको बाचा पुरा गरिरहे पनि सो क्षेत्रबाट निर्वाचित प्रदेश र संघमा निर्वाचित सांसदहरुले काम गर्न नसकेको स्थानियहरुले गुनासो गरेका छन् ।

यसअघि खड्काले नुवाकोटको विभिन्न स्थानमा रहेका असहाय, गरिव र फरक क्षमता भएका व्यक्तिहरुलाई विविध किसिमको आर्थिक सहयोग गरिसकेका छन् ।