नुवाकोटको शेर्पा/हेना/सुनामी जेभी कन्स्ट्रक्सन कालोसूचीमा

नुवाकोट । प्रधानमन्त्री तथा मन्त्रिपरिषद कार्यालय मातहतको सार्वजनिक खरिद अनुगमन कार्यालयले नुवाकोटको एक निर्माण कम्पनीलाई कालोसूचीमा राखेको छ ।

विदुर नगरपालिका वडा नम्बर ७ मा रहेको शेर्पा÷हेना÷सुनामी जेभी कम्पनीलाई एक वर्षको लागि कालोसूचीमा राखिएको हो ।

कालोसूचीमा परेको शेर्पा/हेना/सुनामी जेभी कम्पनीले कालोसूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन पाउँदैनन् ।

शेर्पा÷हेना÷सुनामी जेभी कम्पनिका शेर्पा कन्स्ट्रक्सनको मुख्य व्यक्ति फुर्तेम्बा शेर्पा, हेना कन्स्ट्रक्सनका मुख्य व्यक्ति गणेशबहादुर बस्नेत र सुनामी कन्स्ट्रक्सनको मुख्य व्यक्ति पोष्टबहादुर बोगटी छन् ।