नुवाकोटमा चिसो बढ्यो, जनजीवन प्रभावित

नुवाकोट । नुवाकोटमा चिसो बढेसँगै जनजीवन प्रभावित बनेको छ ।

आज विहानबाट नुवाकोटसहित रसुवा र धादिङ जिल्लामा चिसो बढेसँगै जनजीवन प्रभावित बनेको हो ।

आज बिहानैदेखि हुस्सु र कुहिरोले ढाकेको कारण चिसो बढीरहेको छ । चिसो बढेसँगै सर्वसाधारणको दैनिक कामकाजमा असहजता थपिएको छ ।

नुवाकोटसहित देशका विभिन्न भागमा पछिल्लो दिनमा चिसो निरन्तर बढ्ने क्रम जारी छ भने हिमाली जिल्लाहरूमा हिमपातसँगै वर्षा हुँदा जनजीवन थप कष्टकर भएको छ ।