ईनारपाटी कृषि सहकारीको दशौ वार्षिक साधारणसभा सम्पन्न

नुवाकोट । विदुर नगरपालिका वडा नम्बर ६ मा रहेको श्री ईनारपाटी कृषि सहकारी संस्था लिमिटेडको दशौँ वार्षिक साधारणसभा शनिवार सम्पन्न भएको छ ।

साधारण सभामा अध्यक्ष भरत सडौलाले वार्षिक प्रगति प्रतिवेदन प्रस्तुत गर्दै सहकारीलाई पछिल्लो समय व्यवस्थित गर्दै कम्प्युटर सिस्टमबाट सहकारी संचालन गरिरहेको बताए । उनले वर्षेनी सहकारीले आफ्ना शेयर सदस्य र बचत कर्ताहरुलाई मल, वीउ वीजन र अन्य कृषि उपकरणहरु उपलब्ध गराउँदै आएको समेत उल्लेख गरे ।

त्यस्तै साधारणसभामा कोषाध्यक्ष टंकवहादुर केसीले आर्थिक वर्ष २०७९÷८० को आर्थिक प्रतिवेदन तथा लेखा परिक्षण प्रतिवेदन प्रस्तुत गरेका थिए ।

कार्यक्रममा बोल्दै जिल्ला सहकारी संघ नुवाकोटका लेखा सुपरिवेक्षण समितिका संयोजक नारायण श्रेष्ठले सहकारीको पूजी बृद्धि गर्दै बचत संकलन बढाउन आग्रह गरे । उनले सहकारीको केही वित्तिय सुचाङहरुमा समस्या रहेको भन्दै त्यसलाई सच्याउन समेत आग्रह गरे ।

यसैविच ईनारपाटी कृषि सहकारी संस्थाको चौथो अधिवेशनले हरि तिमिल्सनाको नेतृत्वमा नयाँ कार्यसमिति चयन गरेको छ ।