विदुर खानेपानीको नवनिर्वाचित पदाधिकारीलाई नगरपालिकाको स्वागत

नुवाकोट । विदुर नगरपालिकाले विदुर खानेपानी तथा सरसफाई उपभोत्ता समितिका नव निर्वाचित पदाधिकारीहरुलाई स्वागत गरेको छ ।

आईतवार विदुर नगरपालिकाका मेयर राजन श्रेष्ठ, विभिन्न वडाका वडाध्यक्षहरुले विदुर खानेपानी तथा सरसफाई उपभोत्ता समितिका नवनिर्वाचित पदाधिकारीहरुको स्वागत गरेका हुन् ।

स्वागत कार्यक्रममा बोल्दै विदुर नगरपालिकाका मेयर राजन श्रेष्ठले नव निर्वाचित पदाधिकारीहरुले आगामी दिनमा नगरवासीलाई सफा र स्वस्च्छ पानी वितरण गर्ने विश्वास व्यक्त गरे । उनले नगरवासीलाई सफा पानी खुवाउन नगरपालिकाले कनै कसर बाँकी नराख्ने समेत प्रतिवद्धता व्यक्त गरे ।

कार्यक्रममा विदुर खानेपानी तथा सरसफाई उपभोत्ता समितिका नव निर्वाचित अध्यक्ष संजीव श्रेष्ठले विदुर खानेपानी संस्था नाफामूलक नभएकोले विदुर नगरपालिकाले मासिक रुपमा संस्थाको प्रशासकीय र मर्मत खर्च उपलब्ध गराए विदुर खानेपानीले आफ्ना उपभोक्ताहरु निशुल्क रुपमा उपलब्ध गराउन सक्ने बताए ।

श्रेष्ठले विदुर नगरपालिकाको सहकार्य गरेर हरेक भान्छाका महिलासँग सहकार्यमा सिङ्गो विदुर नगरपालिका सरसफाई अभियान जुटाउन सकेमात्र आफु निर्वाचित भएको औचित्य पूर्ण हुने बताए ।

नगरक्षेत्रमा विकास निर्माणको क्रममा खानेपानीका पाईपहरु क्षतविक्षत हुने गरेकोले त्यस्ता कार्य गर्दा गर्दा खानेपानी संस्थालाई जानकारी गराई कार्य गर्न नगर प्रमुख राजन श्रेष्ठलाई अनुरोध गरे ।

कदमकदाचित त्यस्ता विकास निर्माण कार्यले भत्केका, चुडीएका पाईपलाईनहरु सम्बन्धित निर्माण पक्षले नै बनाई दिनुपर्ने निर्णय गराईदिए संस्थाको क्षति न्यून हुनुको साथै व्ययभार कम हुने बताए ।