नुवाकोटमा एक वर्षमा सवारी र्दुघटनाबाट १४ जनाको मृत्यु

नुवाकोट । नुवाकोटमा गत आर्थिक वर्ष २०७८÷७९ मा सवारी दुर्घटनाबाट १४ जनाको मृत्यु भएको छ ।

जिल्ला ट्राफिक प्रहरी कार्यलय नुवाकोटको तथ्यांक अनुसार गत आर्थिक वर्षमा ८५ वटा सवार दुर्घटना भएको थियो । विभिन्न ८५ वटा सडक दुर्घटनामा परी १० जना पुरुष, ३ जना महिला र १ जना बालिकाको मृत्यु भएको हो ।

त्यस्तै सडक दुर्घटनाबाट ५२ जना गम्भिर घाइते र २ सय ३५ जना सामान्य घाइते भएको जिल्ला ट्राफिक प्रहरी कार्यलय नुवाकोटका प्रमुख गुणनिधी खकुरेलले जानकारी दिए ।

अघिल्लो आर्थिक वर्ष २०७७÷७८ मा ७० वटा सडक दुर्घटना हुदा ११ जनाको मृत्यु, २६ जना गम्भिर घाइते र ६२ जना सामान्य घाइते भएका थिए । यस्तै, गत आर्थिक वर्ष २०७४र७९ मा जिल्ला ट्राफिक प्रहरी कार्यलय नुवाकोटले १ करोड ३४ लाख ९६ हजार रूपैयाँ राजस्व संकलन गरेको छ । टूफिक नियम बिपरित सञ्चालित १६ हजार १ सय ५० सवारी साधनलाई कारवाही गर्दा उक्त राजस्व संकलन भएको हो ।

४ हजार ८ सय ५४ टूकको कारवाहीबाट ४२ लाख ६८ हजार ५ सय रुपैयाँ, ७ सय २६ वटा बसको कारबाहीबाट ६ लाख ४६ हजार ५ सय रुपैयाँ र १ हजार ८१ वटा कार जिप भ्यानको कारबाहीबाट ९ भएको जिल्ला ट्राफिक प्रहरी कार्यलय नुवाकोटका प्रमुख गुणनिधी खकुरेलले जानकारी दिए ।

त्यस्तै गत आर्थिक वर्षमा ३ सय ४१ वटा ट्याक्टरको कारबाहीबाट ३ लाख २० हजार ५ सय रूपैयाँ, ८ हजार ९ सय ३९ वटा मोटरसाइकलको कारबाहीबाट ७१ लाख ७९ हजार रूपैयाँ र १ सय ७१ वटा अन्य सवारी साधनको कारबाहीबाट १ लाख ४२ हजार ५ सय रूपैयाँ राजस्व संकलन भएको जिल्ला ट्राफिक प्रहरी कार्यलय नुवाकोटको तथ्यांकमा उल्लेख छ ।

अघिल्लो आर्थिक वर्ष २०७७र७८ मा १६ हजार ६ सय १४ वटा सवारी साधनको कारवाहीबाट १ करोड ४४ लाख १० हजार रपैयाँ राजस्व संकलन भएको थियो ।