नुवाकोटमा बिहे जात्रा मनाइयो

नुवाकोट । नुवाकोटको सदरमुकाम विदुरमा शुक्रवार विहे जात्रा मनाइएको छ ।

कृष्ण जन्माष्टमीको दिन शुक्रबार त्रिशूली बजारबाट पन्चेबाजासहित विभिन्न भागभंगीसहित बेहुला लिन सदरमुकाम विदुरको लोकतान्त्रिक चोकमा आएका थिए ।

उक्त अवसरमा काठमाडौं महानगरपालिकाका मेयर बालेन्द्र साह, धरानका मेयर हर्क साङपाङ राई, राष्ट्रिय स्वतन्त्र पार्टीका प्रमुख लगायतको व्यंग्यात्मक शैलीमा बेहुली लिन आएका थिए ।

बेहुली लिन आउने त्रिशूलीका जन्तीलाई विदुरवासीले भोज खुवाएर बेहुली अन्माएर पठाएका थिए । कोरोनाका कारण रोकिएको बिहे जात्रा बल्ल सुरु गरिएको संचारकर्मी एवं विदुरका स्थानीय सुनिल श्रेष्ठले बताए ।

एउटा परम्परालाई जीवन्त दिन र गाईजात्राको अवसरमा रमाइलो गर्न जात्रा गरिँदै आएको उनले बताए ।