नुवाकोटमा एक वर्षमा १६ हजार सवारीसाधन कारवाहीमा

नुवाकोट । जिल्ला ट्राफिक प्रहरी कार्यालय नुवाकोटले एक वर्षको अवधीमा नुवाकोटमा १६ हजार सवारी साधनलाई कारवाहीमा गरेको छ ।

ट्राफिक नियम उलङ्घन गरी सञ्चालनमा रहेका सवारीसाधनलाई कारवाही गरिएको प्रहरीले जनाएको हो ।

उक्त कारवाहीमा परेका सवारीसाधनबाट एक करोड ३४ लाख ९६ हजार राजस्व सङ्कलन भएको जिल्ला जिल्ला ट्राफिक प्रहरी कार्यालय नुवाकोटका प्रमुख तथा वरिष्ठ प्रहरी नायक निरिक्षक गुणनिधि खकुरेलले जानकारी दिए ।

उनका गत आर्थिक वर्ष २०७८÷०७९ मा जिल्लामा १६ हजार एकसय ५० सवारी साधन कारवाहीमा परेका हुन् ।

खकुरेलका अनुसार आर्थिक वर्ष ०७७÷०७८ को तुलनामा गत आर्थिक वर्ष २०७८÷०७९ मा कारवाहीमा पर्ने सवारीसाधनको संख्यामा कमि आएको छ ।

ट्राफिक नियम उलङ्घन गरी सार्वजनिक यातायातमा सिट भन्दा बढी यात्रु बोक्नु, कागजात नवीकरण नगरेको, हेल्मेट प्रयोग नगरेको, ओभरलोड र मापदण्ड विपरीत कार्य गरेको सवारीलाई कारवाही गरी राजस्व सङ्कलन गरिएको ट्राफिक प्रमुख खकुरेलको भनाइ रहेको छ ।