नुवाकोटमा गठबन्धनका चार दलको बैठक बस्दै

नुवाकोट । आगामी वैशाख ३० गते हुने स्थानिय तहको निर्वाचनमा गठबन्धन गर्ने निर्णय गरेका सत्तारुढ चार दलको बैठक केही वेरमा वस्दै छ ।

नेपाली कांग्रेसको पार्टी कार्यालयमा बस्नै बैठकले आज स्थानिय तहमा कुन पार्टीले नेतृत्व लिने भन्ने विषयमा निर्णय गर्नेो नेपाली कांग्रेसका एक नेताले बताए ।

सत्तारुढ चार दलले निर्वाचनमा गठबन्धन गर्ने निर्णय गरेपनि त्यसको मोडालिटिबारे कुनै निर्णय गर्न सकेका छैनन् ।

नुवाकोटमा रहेका दुई नगरपालिकामध्ये विदुरको मेयर कांग्रेसले लिने र बेलकोटगढी नगरपालिकाको मेयर माओवादीले लिने तयारी छ ।

यस्तै १० गाउँपालिकामध्ये ८ पालिकाको नेतृत्व कांग्रेसले लिने तथा ककनी र पन्चकन्या गाउँपालिकाको नेतृत्व माओवादी केन्द्रलाई दिने सहमति भएको स्रोतले बताएको छ ।

यस्तै एकिकृत समाजवादीलाई कुनै एक वा दुई पालिकाको उपाध्यक्षमा दिएर वडा छाड्न सकिने एक नेताले बताएका छन् ।

तर गठबन्धनमा रहेका केही दलहरुले प्रत्येक वडामा वडाध्यक्षको लागि नाम सिफारिस गरेकोले समस्या भएको बताएका छन् ।

वडा वडामा केही दलले गठबन्धन नगर्ने निर्णय गरेकोले समेत गठबन्धन गर्ने वा नगर्ने भन्ने विषयमा अन्योलता देखिएको छ ।