नुवाकोटका स्थानियले बञ्चरेडाँडा ल्यण्डफिलसाइटको काम बन्द गराए

नुवाकोट। बञ्चरेडाँडा ल्यण्डफिलसाइटको निर्माणकार्य पुन: रोकिएको छ ।

आम नागरिकको स्वास्थ्यलाई खेलवाड गर्दै सरकारी पक्षले गरेका प्रतिवद्धता कान्वायन नगरी बञ्चरेडाँडामा फोहरमैला थुपार्ने रणनितिमा लागेको बुझिएको भन्दै धुनीबेशी नगरपालिका वडा नं १,२,३ र ककनी गाउपालिका वडा नं १,२,३ का स्थानीयहरुले आजबाट ल्यण्डफिलसाइटको निर्माणकार्य रोकेका हुन् ।

स्थानीयहरुले आज बिहान ७ बजे देखी निर्माणकार्य रोकेका छन् । आक्रोशित स्थानीयहरुले यो पहिलो चरणको विरोध भएको र माग सम्बोधन नभए अर्को चरणको विरोधमा जान आफूहरु बाध्य हुने चेतावनी दिएका छन् । ‘कि फोहोर रहित, कि मानव रहित बनाउँनुपर्ने र साथै स्थानियहरु को जीवन बीमा, शिक्षा स्वास्थ्य, पक्कि बाटो हुनु पर्ने’ संघर्ष समितिका अध्यक्ष सिराम ढुंगानाले बताए ।

केही दिन अघिमात्रै सहरी विकासमन्त्री रामकुमारी झाँक्रीले बञ्चरेडाँडा ल्यण्डफिलसाइटको अनुगमान गरेकी थिइन्

साथै स्थानियरुले भोलिबाट काठमाण्डौ उपत्यकाबाट फोहारको गाडी नुवाकोट ल्याउन समेत नदिने बताएका छन् ।