एमाले नुवाकोटको अध्यक्षमा मैनाली र प्रधानको दाबेदारी

नुवाकोट । नेकपा एमाले नुवाकोटको अध्यक्षमा बद्री मैनाली र बुद्धि प्रधानले दाबी गरेका छन् ।

शुक्रबार हुने एमालेको सातौं जिल्ला अधिवेशनमा दुई जनाले अहिले अध्यक्षमा दाबी गरिरहेका छन् ।

नेकपा एमाले र नेकपा माओवादी केन्द्रबीच भएको एकतापछि नेकपा हुँदै विभाजनबाट एमाले नै कायम भएको र एमाले पनि विभाजन भएर एक समूह बाहिरिएपछि हुन लागेको जिल्ला अधिवेशनलाई कार्यकर्ताहरूले महत्वका साथ लिएका छन् । यो जिल्ला अधिवेशनमा वर्तमान अध्यक्ष नारायणप्रसाद खतिवडा उम्मेदवार नै बन्न पाउने छैनन् । विधान अनुसार लगातार दुई पटक नेतृत्व गरेको व्यक्ति तेस्रो पटक उम्मेदवार बन्न नपाउने भएकोले खतिवडा बाहिरिने छन् ।

तर, अब खतिवडाले कसलाई आफ्नो उम्मेदवार बनाउने छन् भन्ने प्रश्न उठ्नु स्वभाविक हो । अदालतबाट नेकपा एमाले व्युतिएपछि पनि माधव नेपाल पक्षका खतिवडाले एमालेको विरोध गर्दै आएका थिए । औपचारिक रूपमा पार्टी विभाजन हुनेक्रममा एमालेमै रहेको खतिवडा अहिले पार्टीका कमजोर उपस्थितीमा रहेका छन् । संभवत जिल्लामा सर्वसम्मत नै नेतृत्व चयन हुनेछ । तर, सर्वंसम्मत नभई मतदान नै भएमा भने खतिवडाले पार्टी सचिव बुद्धी प्रधानलाई अघि सार्ने निश्चित भएको
कार्यकर्ताहरूले बताएका छन् ।

अबको अध्यक्ष हालका उपाध्यक्ष बदी मैनाली पनि अघि बढ्ने पक्का भएको छ । हालका जिल्ला अध्यक्ष तत्कालिन अवस्थामा नेपाल समूहमा लागेर एमालेमा सक्रिय नभएपछि मैनाली नै अध्यक्ष भएर केही समय पार्टीको जिल्ला तहको नेतृत्व सफलतापूर्वक गरेका थिए । तर, पार्टीको आएको विवाद र विभाजनमा १० बुँदे सहमतिपछि मैनाली पछि सरेर खतिवडालाई अध्यक्ष स्वीकार गरेर अघि बढेको कारण अबको अध्यक्षको पम्रखु दाबेदार मैनाली नै हन् ।

सर्वसम्मत भएमा मैनालीनै अध्यक्ष हुने पक्का जस्तै देखिएको छ भने सर्वसम्मत नभएमा मैनालीसँग पतिष्पर्धा गर्न पधान नै मैदानमा देखिने भएका छन् । पधान र खतिवडा लगायतको ढलमुले नीतिका कारण पनि पार्टी उनीहरूको पकडबाट बाहिरिएको कार्यकर्तावर्गमा चर्चा चल्न थालेको छ ।

जसको कारण पधान उम्मेदवार भएमा पनि उनको उपस्थिती बलियो नहने एमालेका एक जिल्ला सदस्यले बताए ।