नुवाकोटमा कोरोनाका सक्रिय संक्रमित ५ जनामा झरे

नुवाकोट । नुवाकोटमा कोरोनाका सक्रिय संक्रमितको संख्या ५ जनामा झरेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ४ जना कोरोना संक्रमित निको भएसँगै जिल्लामा संक्रिय संक्रमितको संख्या ५ जनामा झरेको छ ।

कार्यालयका सुचना अधिकारी उत्तमराज खनालका अनसार यससँगै जिल्लामा कोरोनामुक्त भएर घर फर्कनेको संख्या ८ हजार ३ सय २९ पुगेको छ ।

यस्तै जिल्लामा कोरोना संकमितको संख्या ८ हजार ३ सय ८६ पुगेको छ । जिल्लामा हालसम्म कोरोना संक्रमणबाट ५२ जनाको मृत्यु भएको स्वास्थ्य कार्यालय नुवाकोटले जनाएको छ ।

जिल्लामा हालसम्म २८ हजार ७ सय ८२ जनाको पिसिआर परिक्षण गरिएको छ । पछिल्लो २४ घण्टामा जिल्लामा ६ जनाको पिसिआर परिक्षण गर्दा कोरोना संक्रमित भेटिएको छैन ।