नुवाकोटमा कोरोना संक्रमित भेटिन छाडे

नुवाकोट । नुवाकोटमा पछिल्लो एकसाता यता दैनिक कारोना संक्रमित भेटिन छाडेका छन् ।

दैनिक कोरोना संक्रमित भेटिन छाडेसँगै जिल्लामा सक्रिय कोरोना संक्रमितको संख्या समेत घट्न थालेको छ । स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा जम्मा ५ जना कोरोना संक्रमित भेटिएका छन् ।

पछिल्लो २४ घण्टामा भेटिएका कोरोना संक्रमितमध्ये ३ जना विदुर नगरपालिकाका, बेलकोटगढी नगरपालिका र लिखु गाउँपालिकामा समान एक÷एक जना कोरोना संक्रमित भेटिएका छन् ।

यससँगै नुवाकोटमा कोरोना संक्रमितको संख्या ८ हजार १ सय ५ पुगेको कार्यालयका सुचना अधिकारी उत्तमराज खनालले जानकारी दिए । यस्तै पछिल्लो २४ घण्टामा जिल्लामा १० जना कोरोना संक्रमित कोरोनामुत्त भएका छन् ।

यससँगै जिल्लामा सक्रिय कोरोना संक्रमितको संख्या ९५ जनामा झरेको छ । सक्रिय कोरोना संक्रमितमध्ये ८५ जना होम आइसोलेसनमा, ६ जना अस्पतालमा र ४ जना आइसोलेसन सेन्टरमा उपचाररत रहेका छन् ।

जिल्लामा हालसम्म ७ हजार ९ सय ६३ जना कोरोनामुत्त भएका छन् । कोरोना संक्रमणबाट नुवाकोटमा ४७ जनाको मृत्यु भएको स्वास्थ्य कार्यालय नुवाकोटले जनाएको छ ।

नुवाकोटमा हालसम्म २७ हजार ३ सय ८७ जनाको पिसिआर परिक्षण गरिएको छ ।