नुवाकोटमा केसी प्यानल कमजोर बन्दै, महाधिवेशनमा नेतृत्व गुमाउने पक्का

नुवाकोट । पछिल्लो समय नुवाकोटमा केसी प्यानल कमजोर बन्दै गएको छ ।

जिल्लामा लामो सयमदेखि केसी र महत पक्षको टसल देखिँदै आएपनि यहि भदौ २१ गते जिल्लाको ८८ वट्टै वडाको अधिवेशनको नजिताले केसी पक्ष कमजोर बनेको देखिन्छ ।

वडाबाट आएका प्रतिनिधिहरुमा समेत महत पक्ष हावी बन्दा जिल्ला महतमय बनेको छ । यसको असर केसी पक्षलाई जिल्ला अधिवेशनमा पर्ने निश्चितजस्तै छ ।

यसको उदाहरण विदुर नगरपालिका वडा नम्बर ४ र ५ को वडाअधिवेशनलाई समेत लिन सकिन्छ । लामो समयदेखि विदुर नगरपालिकाको सबै वडामा वलियो जरा गाडेर वसेका केसी पक्षका उम्मेद्धवारलाई हराउँदै महत पक्षका उम्मेद्धवारले सानदार जित हासिल गरेका छन् ।

विदुर नगरपालिका वडा नम्बर ४ मा भएको वडा अधिवेशनमा केसी समूहको पूरै टिम पराजित भएको छ । केन्द्रीय सदस्य अर्जुन नरसिंह केसीको वडामा सह–महामन्त्री डा.प्रकाशशरण महत र केन्द्रीय सदस्य डा.रामशरण महत समूहले क्लिन स्वीप पारेको हो ।

वडा अधिवेशनमा डा.महत समूहले सहमतिको प्रयास गरिएको थियो । केसी समूहले अबरोध सिर्जना गरेपछि निर्वाचन भएको थियो । केसी समूहले नुवाकोट जिल्लामा कांग्रेसभित्र भाँडभैलो मच्चाउँदै आएको छ । केसी समूहकै कारण नुवाकोटमा कांग्रेस कमजोर बनेको आरोप छ ।

लामो समयदेखि नुवाकोट कब्जा गरेको केसी समूहले १४औँ महाधिवेशनमा कांग्रेसको नेतृत्व गुमाउने पक्का जस्तै भएको छ ।

केसी समुह पैसा र पावर भएकाहरुलाई लिएर अगाडी बढ्दा क्षमता भएका तथा निष्ठावान कार्यकर्ताहरुले लामो समय पार्टीमा काम गरेपनि नेतृत्वको मौका नपाउने तथा महत पक्षले भटाभट क्षमता भएका तथा निष्ठावान र र युवालाई मौका दिँदा जिल्लामा केसी पक्ष कमजोर बन्दै गएको कांग्रेसकै पुराना नेता तथा कार्यकर्ताहरु बताउँछन् ।

यस्तै जिल्लामा वहादुरसिंहको लामाको समेत पहुँच बढी देखिनु र महत पक्षलाई लामाको साथ हुनुले समेत जिल्लामा महत पक्ष थप मजबुत कन्दै गएको छ ।

यसको प्रत्यक्ष असर नगरदेखि प्रदेश, क्षेत्र र जिल्लामा पर्ने निश्चित छ ।