विदुर नगरपालिकामा १८ जना संक्रमित थपिए

नुवाकोट । नुवाकोटको विदुर नगरपालिकामा मंगलवार १८ जना कोरोना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा विदुरर नगरपालिकामा ११ महिला र ७ पुरुषमा कोरोना संक्रमण पुष्टि भएको हो ।

यससँगै विदुर नगरपालिकामा कोरोना संक्रमितको संख्या २ हजार ९ सय ९४ पुगेको छ । संक्रमितमध्ये १८ सय २ पुरुष र ११ सय ९२ महिला रहेका छन् ।

हाल नगरपालिकाका २ सय ९ जना होम आइसोलेसनमा उपचाररत रहेका छन् ।

विदुर नगरपालिकामा हालसम्म ३ हजार ४ सय ८९ जनाको पिसिआर परिक्षण गरिएको छ ।