आमाको माया छात्रवासलाई खाद्यान्न सहयोग

नुवाकोट । जिल्ला सहकारी संघ, विदुर नगर सहकारी समन्वय उप–समितिले ६४ औ रााष्टिय« सहकारी दिवसको अवसर पारेर विदुर नगरपालिका वडा नम्बर २ मा रहेका आमाको माया छात्रवासमा रहेका वालिवालिकालाई खाद्यान्न वितरण गरेको छ ।

शुक्रवार संघका पदाधिकारीहरुले आफ्नो सामाजिक उत्तरदायित्व अन्र्तगत जनजाति कल्याण आश्रम नेपालद्धारा संचालित आमाको माया छात्रवासमा पुगेर खाद्यान्न, तरकारी र नगदसहित २५ हजार रुपैयाँ बराबरको सहयोग गरेको जिल्ला सहकारी संघ, विदुर नगर सहकारी समन्वय उप–समितिका संयोजक नविन्द्रमान प्रधानले जानकारी दिए ।

समितिले विगतका वर्षहरुमा विभिन्न क्षेत्रमा आर्थिक सहयोगका साथै त्रिशुली अस्पतालमा स्वास्थ्य सामाग्री वितरण, विभिन्न खेलकुद गतिविधि,सभा सम्मेलन,भेला गोष्ठी आयोजना गरेको थियो ।

यसैविच शुक्रवार नै भएको भेलाले जिल्ला सहकारी संघ, विदुर नगर सहकारी समन्वय उप–समितिले नविन्द्रमान प्रधानको नयाँ नेतृत्व चयन गरेको छ ।

त्यस्तै समितिको सह–संयोजकमा हरिचन्द्र अमात्य, सचिवमा भोजराज पनेरु, सह–सचिवमा ज्ञानेश्वर अमात्य र कोषाध्यक्षमा राजकुमार तिम्सिनालाई चयन गरेको छ ।