नुवाकोटका एकजना पत्रकारलाई कोरोना,अन्य पनि शंकाको घेरामा

नुवाकोट । नुवाकोटका एक पत्रकारमा कोरोना संक्रमण भएको छ ।

नुवाकोटमा पछिल्लो २४ घण्टामा एकजना पत्रकारसहित २ जनामा कोरोना संक्रमण पुष्टि भएको हो । पछिल्लो परीक्षणमा पत्रकार महासंघ नुवाकोटका सचिव तथा स्थानीय रेडियो जालपाका स्टेसन म्यानेजर जगदिश खनाल कोरोना संक्रमित भएका हुन् । यससँगै नुवाकोटमा पहिलोपटक पत्रकारमा कोरोना संक्रमण देखिएको हो । कोरोना संक्रमणको पुष्टि भएसँगै उनलाई त्रिशुली अस्पतालमा रहेको आइसोलसेन वार्डमा लगिएको छ ।

पत्रकार खनालले सामाजिक सञ्जाल फेसबुकमा स्टाटस लेख्दै पछिल्लो केही दिनयता आफ्नो सम्पर्कमा आएका व्यक्तिहरुलाई पीसीआर परीक्षण गराउन आग्रह गरेका छन् । पत्रकार खनालले एकसाता अघि पिसिआर गरेका थिए ।

यससँगै नुवाकोटमा कोरोना संक्रमितको संख्या ७२ पुगेको छ ।