बेलकोटगढीको अमारे खोलाले बाइक बगायो, एकजना घाईते

विदुर । नुवाकोटको बेलकोटगढी नगरपालिका वडा नम्बर ११ मा रहेको अमारे खोलामा आएको बाढीले मोटरसाईकल बगाउँदा एक जना घाईते भएका छन् ।

आज विहान अन्दाजी ६ :३० बजे तिगाऊवाट बट्टारतर्फ आउदै गरेको प्र०१५ प ५२८२ नम्बरको मोटसाईकल बगाएको प्रहरी चौकी तादीले जनाएको छ । खोलाले मोटरसाईकल बगाउँदा मोटरसाईकल चालक बेलकोटगढी नगरपालिका वडा नम्बर ११ का मिलन पाण्डे सामान्य घाईते भएका छन् ।

खोलाले बगाएको मोटरसाईकलको अधिकांश मागमा क्षति पुगेको छ । खोलाले बगाएको सो मोटरसाईकललाई स्थानियबासीको सहयोगमा निकालिएको चालक पाण्डेले बताए । खोला तर्ने क्रममा अचान बाढीले मोटरसाइकल बगाएको उनले बताए ।