चालु आर्थिक वर्षको आर्थिक वृद्धिदर २.३ प्रतिशत रहने

विदुर खबर २०७७ जेठ १३ गते १५:२०

नुवाकोट । सरकारले चालु आर्थिक आर्थिक वर्ष २०७६/७७ को आर्थिक सर्वेक्षण सार्वजनिक गरेको छ ।

संसदमा आर्थिक सर्वेक्षण सार्वजनिक गर्दे अर्थमन्त्री डा. युवराज खतिवडाले चालु वर्षमा आर्थिक वृद्धिदर २.३ प्रतिशत रहने बताएका छन् ।सरकारले चालु आर्थिक वर्षको बजेटले आर्थिक वृद्धिदर ८.५ प्रतिशतको लक्ष्य राखेको थियो ।गत फागुनबाट कोरोना भाइरसका कारण विश्व अर्थतन्त्र नै प्रभावित हुन गई त्यसको प्रभाव नेपालको अर्थतन्त्रमा समेत पुग्न गएकाले आर्थिक बृद्धिदर घट्न पुगेकाे खतिवडाले बताए।

यसअघि केन्द्रीय तथ्यांक विभागले चालु आर्थिक वर्षमा २.२७ प्रतिशत हुने प्रक्षेपण गरेको थियो। त्यसैगरी यस वर्ष प्रतिव्यक्ति आम्दानी औसतमा १ लाख २६ हजार १८ रुपैयाँ पुगेको उनले जानकारी दिए। यस अवधिमा ब्यापार घाटामा सुधार हुँदा शोधनान्तर बचतमा पुगेको जानकारी दिए।