नुवाकोटको बाघखोरमा सानिमा बैंकको शाखा स्थापना

बाघखोर । नुवाकोटको बेलकोटगढी नगरपालिकाको केन्द्र बाघखोरमा सानिमा बैंक लिमिटेडले शाखा स्थापना गरेको छ ।

शाखाको बुधवार नगरपालिकाका मेयर राजेन्द्रराण खनाल, प्रमुख प्रशासकिय अधिकृत लगायतले शाखाको संयुत्त रुपमा उद्घाटन गरेका छन । शाखाको उद्घाटन कार्यक्रममा बोल्दै बेलकोटगढी नगरपालिका मेयर राजेन्द्रराण खनाल गाउँमै बैंक आएपछि कारोवार गर्न सहज हुने विश्वास गर्नुभयो । मेयर खनालले नगरपालिकामा केन्द्रमा बैंक नहुँदा आर्थिक कारोवार असहज हुने गरेको भन्दै अबका दिनमा त्यस्तो समस्या झेल्न नपर्ने बताउनुभयो ।

यसअघि बेलकोटगढी नगरपालिकाको केन्द्रमा जाने भनेर सेन्चुरी कर्मसियल बैंकले राष्ट्र बैंकबाट अनुमति लिएपनि विविध कारण देखाउँदै सेन्चुरी बैंक नगरपालिकाको केन्द्रमा नगई रातमाटेमा नै शाखा संचालन गरि वसिरहेको छ ।

बाघखोरमा शाखा संचालन गरेसँगै नुवाकोटमा सानिमा बैंक लिमिटेडको शाखा संख्या चार पुगेको छ ।