नुवाकोटका बट्टारमा बसले ठक्कर दिँदा एक बालकको मृत्यु, बट्टार तनावग्रस्त

नुवाकोट । नुवाकोटको विदुर नगरपालिका वडा नम्बर ४ बट्टारमा बसले ठक्कर दिँदा एक बालकको मृत्य भएको छ ।

मृत्यु हुनेमा तारकेश्वर गाउँपालिका वडा नम्बर ६ गोस्र्याङका ५ वर्षिय युनिक तामाङ रहेको जिल्ला प्रहरी कार्यालय नुवाकोटले जनाएको छ । त्रिशुलीबाट काठमाण्डौ जानका लागेको बा ४ ख ७५०४ केरुङ डिलक्स बसले बालकलाई ठक्कर दिदाँ बालकको घटनास्थलमा नै मृत्यु भएको हो ।

घटनापछि मृतकका आफन्त तथा बट्टारका स्थानियबासीले वसका चालक विदुर नगरपालिका वडा नम्बर ७ तुप्चेक राउद तामाङलाई कुटपिट गरि सक्त्त घाईते बनाएका छन । सक्त्त घाईते भएका चालक तामाङको उपचार भइरहेको छ । घटना भएको करिव १० मिनेटपछि मात्र प्रहरी घटनास्थलमा पुगेको थियो ।

घटनापछि दोषी चालकलाई कारवाहीको माग गर्दै प्रर्दशन गरिरहेका छन । प्रर्दशनको क्रममा अहिले मृतकका आफन्त र प्रहरीबिच झडप भइरहेको छ । झडपले बट्टार बजार तनावग्रस्त बनेको छ । प्रदृशनलाई नियन्त्रणमा लिन प्रहरीले ५ सेल अश्रुग्याससमेत प्रहार गरेको छ । प्रर्दशनलाई नित्रयन्त्रणमा लिन अहिले घटनास्थलमा नेपाल प्रहरी र शसस्त्र प्रहरी परिचालन गरिएको छ । बट्टार बजार अहिले पनि तनावग्रस्त बनेको छ ।