टोखा–छहरे सडक सुधारको माग गर्दै कांग्रेसद्धारा एक घण्टा चक्काजाम

नुवाकोट, टोखा–छहरे सडकखण्डको सधारको माग गर्दै नेपाली कांगेसले नुवाकोटले आज टोखा नगरपालिकाको झोरमा आज एक घण्टा चक्काजामको गरेको छ ।

तीन साताअघि भौतिक योजना मन्त्री रघुजी माहासेठलाई भेटेर ७ दिनमा नुवाकोट प्रवेश गर्ने सबै नाका खोल्न आग्रह गरेको कांग्रेसले माग पुरा नभएको भन्दै दबाव स्वरुप चक्का जाम गरेको हो ।

चक्का जाम नेपाली कांग्रेस नुवाकोटको लिखु–काठमाडौ सम्पर्क समिति, बिदुर बेलकोटगढि, पन्चकन्या,तादी,तारकेश्वर,सम्पर्क समितिको सयुक्त आयोजनामा गरिएको हो । कार्यक्रममा नुवाकोटका जिल्ला सभापति जगदिशनरसिंह केशी, महासमिति सदस्य रमेश महत लगायतको उपस्थिति रहेको थियो ।