रसुवामा गुडिरहेको सुमो माथि पहिरो खस्दा दुई जनाको मृत्यु, सातजना घाईते

रसुवा, रसुवाको गोसाइँकुण्ड गाउँपालिका वडा नम्बर २ तातोपानी डाँडामा गुडीरहेको टाटा सुमोमा पहिरो खस्दा दुई जनाको मृत्यु भएको छ भने सात जना घाईते भएका छन ।

१० जना यात्रु बोकेर काठमाडौ जान लागेको न १ ज ७८२४ न को टाटासुमोको पछाडिको भाग पहिरोले पुरिएको जिल्ला प्रहरी कार्यालय रसुवाले जानकारी दिएको छ । पहिरोले सुमो पुरिँदा दुई जनाको घटनास्थलमा नै ज्यान गएको हो । घटनामा परि चालकसहित अन्य पाँचजना सामान्य घाईते भएका छन भने एकजना गम्भीर घाईते भएको रसुवा प्रहरीले जनाएको छ । घटनाको थप विवरण भने आउन बाँकी छ ।