पिपलटारमा डिप वोरिङ्गबाट पानी र्झन थाल्यो,केही दिनमा धारोमा आउने

नुवाकोट असार १८, नुवाकोट विदुर नगरपालिका वडा नं ५ पिपलटार चोकमा रहेको डिप वोरिङ्गबाट पानी झर्न थालेको छ ।

प्रतिनिधिसभाका सांसद नारायण प्रसाद खतिवडा, विदुर नगरपालिकाको कार्यालय,विदुर नगरपालिका वडा नंम्बर ५ को वडा कार्यालय र स्थानियबासीको आर्थिक सहयोगमा डिप वोरिङ्ग निर्माण भएको हो । २० लाख रुपैयाँको लागतमा निर्माण भएको वोरिङ्ग निर्माणको लागि सांसद खतिवडाले स्थानिय पुर्वाधार विकास कार्यक्रम अन्तर्गतको छुट्टाएको ७ लाख, विदुर नगरपालिका वडा नंम्बर ५ कार्यालयवाट ५ लाख, विदुर नगरपालिकाको कार्यालयबाट ४ लाख र स्थानियबासीको ४ लाख रुपैयाँ सहयोग गरेका छन ।

डिप बोरिङ्गको पानीले वडा नंम्बर ५ पिपलटारका करिव एकसय घरधुरी लाभान्वित हुने स्थानिय उद्धव पनेरुले बताए । बोरिङ्गमार्फत प्रत्येक घरमा धारा जडान गर्ने बताइएको छ । डिप वोरिङ्गबाट वडा नम्बर ५ को माझीटार,पिपलटार,माझगाउँ,देविघाट, गंगटे र ठुलोगाउँ लगाउतका स्थानमा खानेपानीको व्यवस्था सहज हुने बताइएको छ । डिप वोरिङ्गबाट ल्याइएको पानीलाई गंगटेमा ट्याङ्की निर्माण गरि गंगटे माझीटार,छापगाउँ,धन्सार,हसिनटार,वेलटारमा खानेपानी आपुर्ति गर्ने योजना बनाइएको छ । वोरिङ्गको पानीलाई एकसाता परिक्षण गरि त्यसपछि वितरणको व्यवपस्था मिलाउने बताइएको छ ।