कांग्रेसको गुट भेला नुवाकोट सभापतिको घरमा,देउवामाथि दबाब बढाउने रणनीति

नुवाकोट असार १८, नेपाली कांंग्रेसका संस्थापनईतर पक्षका नेताहरु पार्टी सभापति शेरबहादुर देउवाले विधानअनुसार गर्नुपर्ने कामहरु नगरेको भन्दै दबाब दिने रणनीति बनाउन जुटेका छन् ।

सोमबार साँझ नुवाकोट काँग्रेसका सभापति जगदीश्वरनरसिंह केसीको समाखुसीस्थित निवासमा भेला भएका नेताहरुले देउवामाथि दबाब बढाउने विषयमा छलफल गरेका हुन् । छलफलमा वरिष्ठ नेता रामचन्द्र पौडेल, महामन्त्री शशांक कोइराला, पूर्वमहामन्त्रीद्वय प्रकाशमान सिंह र कृष्ण सिटौला, नेत्री सुजाता कोइराला सहभागी थिए।

संस्थापनईतर मानिने शेखर कोइराला र रामशरण महत भने छलफलमा थिएनन् । महत अमेरिकामा र कोइराला विराटनगरमा रहेकाले अनुपस्थित रहेका जनाइएको छ।