नुवाकोटमा भ्रष्टाचारविरुद्ध साझा विवेकशीलको पार्टीको अभियान

नुवाकोट असार ८, साझा विवेकशील पार्टी नुवाकोटको आयोजनामा भ्रष्टाचार र कु शासन विरोधि जनचेतना मुलक कार्यक्रम आईतबार सम्पन्न भएको छ ।

पार्टीले आईतबार पार्टी कार्यालय विदुरदेखि ढुङेसम्म प्रचार समाग्री बाँड्दै तथा भ्रष्टाचारी जेल  परुन  नारा अंकित टिसर्ट लगाई भ्रष्टाचारविरुद्धको अभियान संचालन गरेको हो । साझा विवेकशील पार्टी नुवाकोटका अध्यक्ष दामोदर नेपालले भ्रष्ट्राचारको अन्त्य गर्न अभियान संचालन गरेको बताए । उनले देश विकास निर्माणमा पछाडि पर्नुको मुख्य कारण नै भ्रष्टाचार व्याप्त रहेकोले भन्दै अभियान संचालन गरिएको बताए । उनले सरकारी कार्यालयमा असार महिना लागेपछि विकास निर्माणको काममा बढी पैसा खर्च हुने गरेको भन्दै राज्य दोहनलाई बन्द गर्नुपर्ने बताए ।

सरकारी कार्यालयमा हुने गरेका अवैध कामहरु रोक्न जनता आफै सचेत नभएसम्म भ्रष्टचार, ढिलासुस्ती सधै रहने विवेकशील साझा पार्टीले जनाएको छ । यसैबिच विवेकशिल साझा पार्टीले अनलाइनमार्फत सदस्यता वितरणलाई तिव्र पारेको छ । विवेकशील साझा पार्टीको नुवाकोटमा ३ सयभन्दा बढी कार्यकर्ता रहेका छन । जसमध्ये अनलाईनबाट सदस्यता लिनेको संख्या भने आउन बाँकी रहेको साझा विवेकशील पार्टी नुवाकोटले जनाएको छ ।