अमेरिकामा पढ्दै गरेकी सिसम अधिकारीद्धारा विद्यालयलाई शैक्षिक सामाग्री वितरण

नुवाकोट जेठ २८, अमेरिकाको रिड कलेजमा पढ्दै गरेकी विदुर नगरपालिका वडा नम्बर ७ तुप्चेकी सिसम अधिकारीले पन्चकन्या गाउँपालिका वडा नम्बर २ कविलासमा रहेको नवसञ्जीवनी माध्यामिक विद्यालयका विद्यार्थीहरुलाई शैक्षिक सामाग्री वितरण गरेकी छिन ।

पन्चकन्या गाउँपालिका वडा नम्बर २ कविलास मामाघर भएकी अधिकारीले विद्यालयलाई करिव पाँच लाख रुपैयाँ बराबरको शैक्षिक सामाग्री वितरण गरेकी हुन । वितरण गरेको सामाग्रीहरुमा दुई थान ल्यापटप, एउटा प्रोजेक्टर र अन्य शैक्षिक सामाग्रीहरु रहेका छन । अधिकारीले विद्यालयमा आफुले दिएकोभन्दा बढी लिएको बताइन । उनले आफु साधारण विद्यार्थी मात्र भएपनि शिक्षकहरुको सहयोग र गुणस्तरीय शिक्षाको कारणले अमेरिकासम्म पुगेको बताइन । २०७२ सालको कक्षा १२ को परिक्षामा नेपालभर उत्कृष्ट भएकी अधिकारी अहिले रिड रिड कलेजमा निशुल्क छात्रवृतिमा अध्ययनर गरिरहेकी छिन । उनले शिक्षालाई कर नभई रहर बनाए मात्र सफलता मिल्ने भन्दै त्यसमा अभिभावकको महत्व पनि बढी हुने बताए ।

शैक्षिक सामाग्री वितरण कार्याक्रममा जिल्ला समन्वय समितिका प्रमसख सन्तामान तामाङले गाउँमा रहेका अन्य विद्यालयलाई परास्त गर्दै विद्यालय जिल्लाकै उत्कृष्ट भएको भन्दै खुशी व्यत्त गरे । तामाङले आगामी दिनमा विद्यालयलाई भौतिक र शैािक्षक सहयोग गर्न जिल्ला समन्वय समिति तयार रहेको बताए । जिसस प्रमुख तामाङले सिसमले गरेको कामले आफु प्रभावित भएको भन्दै सिसमजस्तै धेरै विद्यार्थी विद्यालयले जन्माउनुपर्ने बताए । कार्यक्रममा गाउँपालिकाकी उपप्रमुख सिता पराजुलीले अधिकारीले मामाघरमा रहेको विद्यालयमा आएर राम्रो काम गरेको बताइन । उनले आगामी आर्थिक वर्षको लागि बजेट शिक्षा क्षेत्रलाई प्राथमिकता दिएर बजेट विनायोजन गर्ने बताइन ।

त्यस्तै विद्यालयका प्रध्यानाअध्यापक रामेश्वर मिश्रले विद्यालयको मुख्य लक्ष्य नै गुणस्थरीय शिक्षा रहेको बताए । उनले विद्यालयले शैक्षिक गुणस्तरमा ध्यान दिएकोले हाम्रो नभई राम्रो शिक्षक ल्याउनुपर्ने बताए । कार्यक्रममा विद्यालय व्यवस्थापन समितिका अध्यक्ष कृष्ण मिश्रले आफु विद्यालयको नेतृत्व तहमा आएदेखि नै निरन्तर काम गरिरहेको भन्दै आगामी दिनमा विद्यालयको भौतिक र शैक्षिक प्रगतिमा ध्यान दिने बताए ।

सो कार्यक्रममा नेपाल रेडक्रस सोसाईटी पन्चकन्याका सभापति जगदीश कुँईकेलले विद्यालयको शैक्षिक वातावरणको लागि अभिभावकले चासो व्यक्त गर्नुपर्ने बताए । उनले गाउँगाउँमा सरकार स्थापना भएपनि त्यो विद्यालयले महसुस गर्न नसकेको बताए । कार्यक्रममा सेड नेपाललका अध्यक्ष पुरुषोतम खड्का,पुर्व विद्यार्थी उपेन्द्र मिश्र, समाजसेवी रामशरण श्रेष्ठ लगायतले विद्यालयको शैक्षिक गुणस्तर जिल्लाकै उत्कृष्ट भउको भन्दै सराहान गरेका थिए । कार्यक्रममा विद्यालयलाइ शैक्षिक सामाग्री प्रदान गर्ने अधिकारीलाई सम्मान समेत गरिउको थियो । यसअघि गत वर्ष पनि अधिकारीले डेभिस पिस प्रोजेक्ट अन्र्तगत विद्यालयका प्रावि र माविका गरि एकसय ४५ जना विद्यार्थीहरुलाई शैक्षिक सामाग्री वितरण गरेकी थिइन ।