उपप्रमुख रिमालले गरेको कुटपिट कान्डले तारकेश्वर गाउँपालिका ठप्प

नुवाकोट जेठ १४, गत बिहिबार तार्केश्वर गाँउपालिकाको उपाध्यक्ष तारादेवी रिमालले गाउँपालिकाका प्रमुख प्रशासकिय अधिकृत अशोक दाहालमाथि कुटपिट गरेपछि अहिले तारकेश्वर गाउँपालिकाको माम ठप्प भएको छ ।

गाउँपालिकाका कर्मचारीहरुले शुक्रबार विहान विज्ञप्ती जारी गर्दै उप्रमुखले गरेको अमानविय कार्यको घोर भत्र्सना गर्दै काम गर्ने वातावरण नभएसम्म कार्यालयका सबै काम ठप्प पार्ने बताएका थिए । गाउँपालिकाका प्रमुख प्रशासिकय अधिकृत दाहाल कार्यालय नजाँदा गाउँपालिकाको काम प्रभावित भएको हो ।

यसैबिच उपप्रमुखले आफुमाथि गरेको कुटपिटको विरोधमा शुक्रबार न्यायको गाउँपालिकाका प्रमुख प्रशासकिय अधिकृत दाहालले गाउँपालिकाकी उपप्रमुख रिमालविरुद्ध जिल्ला प्रहरी कार्यालय नुवाकोटमा किटानी जाहेरी दिएका छन । उनले शुक्रबार किटानी दिए लगत्तै गाउँपालिकाकी उपप्रमुख रिमालले पनि प्रमुख प्रशासकिय अधिकृत दाहालविरुद्ध आफुलाई दुव्र्यवहार गरेको आरोपमा किटानी जाहेरी दिएका छन ।

यसअघि गत विहिबार दिउँसो ४ बजे आफुले भनेका योजनाको लागी बजेट नदिएको भन्दै प्रमुख प्रशासकीय अधिकृत दाहालमाथि गाउँपालिकाकी उपाध्यक्ष तरिमालले बिहीबार कार्यकक्षमै हातपात गरेकी थिइन । उनले आफूले भनेको ठाउँका योजनाको लागी बजेट दिन नमानेको भन्दै प्रमुख प्रशासकीय अधिकृत दाहालको कार्यकक्ष स्थित उनी बसेको कुर्चीमै पुगेर कठालो समातेर कुटपिट थिइन ।