धुनीवेशीलाई फराकिलो गोल अन्तरले पराजित गदै विदुर सेमिफाइनलमा

नुवाकोट वैशाख १९, विदुरमा जारी विदुर नगर मेयर कप रााष्ट्रिय आमन्त्रण अन्तर नगरपालिका फुटलव प्रतियोगिता अन्र्तगत बुधबार भएको खेलमा विदुर नगरपालिकाले फराकिलो जित दर्ता गराएको छ ।

नुवाकोट आर्दश बहुमुखी क्याम्पस बट्टारको खेल मैदानमा भएको खेलमा नुवाकोटको विदुर नगरपालिकाले धादिङको धुनीवेशी नगरपालिकालाई ९ का विरुद्ध १ गोलले पराजित गरेको हो । नुवाकोटलाई फराकिलो जित दिलाउन विदुर नगरपालिकाको लागि म्यान आफ दी म्याच भएका आशिस लामा एक्लैले ६ गोल गरेका थिए भने विकास मगर,सन्तोष थापा र मोहन गुरुङले एक÷एक गोल गरेका थिए । खेलको शुरुवात देखिनै निकै राम्रो फुटवल खेलको नुवाकोटले खेलको १५ औ मिनेटमा आशिसको गोलबाट अग्रता लिएको थियो । तर गोल खाएको एक मिनेट बित्न नपाउँदै धुनीवेशीले खेलमा फर्कदै गोल फर्काउन सफल भएको थियो । धुनीवेशीको लागि दिपेन्द्र रेग्मीले गोल फर्काएका थिए । दोस्रो हाफमा केही सन्तुलित खेल खेलेको धुनीवेशीले केही प्रयास गरेपनि विदुर नगरपालिकाले दास्रो हाफ लगातार तीन गोल थपेको थियो ।

विदुरको लागि आशिसले लगातार ६८ औ, ७८ औ र ७९ औ मिनेटमा तिन गोल गर्दै डबल ह्याट्रिक पुरा गरि विदुरलाई फराकिलो जित दिलाएको थिए । खेलको म्यान अफ दी म्याद विदुरका आशिस लामा नै घोषित भएका थिए । उनले नगद ५ हजार रुपैयाँ हात पारे । सेमिफाइनल पुगेको विदुरले फाइनल प्रवेशको लागि आगामी शनिबार सिन्धुपाल्चोकको मेलम्ची नगरपालिकासँग प्रतिष्पर्धा गर्ने छ ।