कुशल नेतत्व गुमाउँदा देश शोकमग्न,नेकपा नुवाकोटद्धारा श्रद्धान्जली सभाको आयोजना

विदुर खबर २०७५ फागुन १६ गते १०:०२

बिदुर,ताप्लेजुङको फुङलिङ नगरपालिका–१०,सिस्नेभीरमा बुधबार दिउँसो हेलिकोप्टर दुर्घटनामा मृत्यु भएका संस्कृति पर्यटन तथा नागरिक उड्ययनमन्त्री रवीन्द्र अधिकारी तथा अन्य ६ जनाको स्मरणमा नेकपा नुवाकोटले बिहिबार पार्टी कार्यलय बिदुरमा श्रद्धान्जली सभाको आयोजना गरेको छ ।

Advertisement

दुर्घटनामा ज्यान गुमाएका पर्यटन मन्त्रि अधिकारी,पर्यटन व्यवसायी आङछिरिङ शेर्पा, नेपाल नागरिक उड्ययन प्राधिकरणका उपमहानिर्देशक वीरेन्द्र श्रेष्ठ, प्रधानमन्त्री कार्यालयका उपसचिव युवराज दाहाल र पाइलट प्रभाकर केसीको सम्झनामा श्रद्धान्जली आयोजना गरिएको नेकपा नुवाकोटले जनाएको छ । श्रद्धान्जली सभा कार्यक्रममा बोल्दै जिल्लाका नेताहरुले देशले नै एक उदयीमान कुशल युवा नेतृत्व गुमाएको भन्दै आफुहरु स्तब्ध भएको बताएका छन । दुर्घटनाबाट देशले होनाहार नेता गुमाएको नेकपा नुवाकोटका नेता पुष्प लामीछानेले बताउनुभयो ।

श्रद्धान्जली सभामा विदुर नगरपालिकाका मेयर सञ्जु पण्डित, नेकपा नुवाकोटका नेता पुष्प लामीछाने, वृद्धि प्रधान,विमला सुवेदी, सभद्रा नेपाल, विन्दा ढुङ्गाना, तथा युवासंघका नेता उद्धव पनेरु,अनेरास्ववीयुका जिल्ला अध्यक्ष विष्णुहरी रिमाल लगायत आम सर्वसाधारणहरुको बाक्लो उपस्थिति रहेको थियो ।

Advertisement

प्रतिक्रिया