नुवाकोटमा आज चक्का जामको घोषणा,२ घण्टा चक्का जाम

नुवाकोट, राष्ट्रिय गौरवको आयोजनाको रूपमा रहेको गल्छी–त्रिशूली–मैलुङ–स्याफ्रु–रसुवागढी सडक आयोजना अन्तर्गत नुवाकोटको पिपलटारदेखि ढुङ्गेसम्मका प्रभावितहरुको समुह सडक प्रभावित सरोकार समितिले आज दिउँसो १२ बजेदेखि २ बजेसम्म २ घण्टा चक्का जामको घोषणा गरेका छन ।

समितिको छलफलले विरोधका कार्यक्रमसहित बन्द र चक्काजामको कार्यक्रम  गत हप्ता सार्वजनिक गरिएको थियो । त्यस्तै समितिले आगामी माघ ६ गते नुवाकोट बन्द गर्ने निर्णय भएको सडक प्रभावित सरोकार समितिका उपसंयोजक गीता अमात्यले जानकारी दिइन ।

आयोजनाले पिपलटारदेखि ढुङ्गेसम्मको सडक विस्तारका क्रममा अधिग्रहण गरिएको जग्गाको मुआब्जा नदिने बताएपछि पिपलटारदेखि ढुङ्गेसम्मका स्थानियहरु आक्रोशित भएका छन । आयोजनले विसं २०३४ को राजपत्रमा पासाङल्हामु मार्गको बालाजु–ककनी–त्रिशूली खण्डको सडक सीमा सडकको केन्द्रबाट दायाँबायाँ १५÷१५ मिटर तोकिएका कारण मुआब्जा दिन नमिल्ने बताएको छ योसँग नुवाकोटको विदुर नगरपालिका क्षेत्रका स्थानियबासीहरु आयोजना र आयोजनाका प्रमुख सुबोध कुमार देवकोटासँग रुष्ट भएका छन ।