चोरी गरेको आरोपमा विदुरका सुनम थापा काठमाण्डौबाट पक्राउ

नुवाकोट । चोरी गरेको आरोपमा विदुर नगरपालिका वडा नं ४ का सुनम थापा काठमाण्डौबाट पक्राउ परेका छन ।

चोरीको घटनामा अनुसन्धानको लागि महानगरीय प्रहरी वृत्त महाराजगञ्जले पक्राउ गरेका अनिल तामाङलाई सोधपुछ गर्ने क्रममा चोरीमा सङ्लग्न रहेको खुल्न आएपछि अन्य व्यक्तिलाई टोखा नगरपालिका–९ सङ्गमटोलबाट गएराति पक्राउ गरेको प्रहरीले जनाएको छ । 

उनीहरुको साथबाट रु ९५ हजार, ब्रासलेट एक थान, मङ्गलसुत्र एक थान, बेरुवा औँठी एक थान, मोबाइल आठ थान, घडी तीन थान र लागुऔषध गाँजा करीब ५०० ग्रामसमेत प्रहरीले बरामद गरेको छ । घटनाको सम्बन्धमा आवश्यक अनुसन्धान भैइरहेको प्रहरीले जनाएको छ । यसैबीच चोरी गरी फरार रहेका एक व्यक्तिलाई आज बिहान प्रहरीले एक जनालाई पक्राउ गरेको छ । महानगरीय प्रहरी वृत्त ठिमीबाट खटिएको प्रहरी टोलीले यही पौष ३ गते हिम इलोक्ट्रोनिकमा भएको चोरीमा सङ्लग्न सर्लाही हरिपुर नगरपालिका–१ का २८ वर्षीय नबेन्द्रकुमार सिंहलाई पक्राउ गरेको हो ।