मेलमिलाप,न्यायिक समिती र स्थानीय निकायसँगसँगै जानुपर्ने सरोकारवालाको भनाई

बेलकोटगढी÷मेलमिलापले गर्ने कार्यलाई अझै प्रभाबकारी र दिगो बनाउन स्थानीय न्यायिक समिती तथा स्थानीय निकायसँगैको सहकार्य महत्बपूर्ण रहेको सरोकारवालाहरुले बताएका छन् ।

प्राकृतिक स्रोत तथा द्धन्द्ध रुपान्तरण केन्द्र नेपालले सोमबार बेलकोटगढी नगरपालिकाको बाघखोरमा आयोजना गरेको न्यायिक समिती, बडा अध्यक्ष, मेलमिलापकर्ता र सरोकारवालाहरु बीचको नगरपािलका स्तरीय अन्तरक्रिया तथा अनुभब आदानप्रदान कार्यक्रममा सरोकारवालाहरुले समितीले गरेको काम पारदर्शी र प्रभाबकारी बन्दै गरेको निश्कर्ष निकालेका छन् । कार्यक्रममा बेल्कोटगढी नगरपालिकाका मेयर राजेन्द्ररमण खनाले देवानी प्रबृतिका मुद्धाहरुको न्याय सम्पादनको क्षेत्रमा मेलमिलापकर्ताहरुले गरेको काम प्रशंसनीय रहेको बताए । मेयर खनालले मेलमिलाप र न्यायीक समिती गर्ने गरेको कार्यलाई अझै प्रभाबकारी र दिगो बनाउन नगरपालिकाको तर्फबाट सदैब सहयोग गर्ने प्रतिबद्धता ब्यक्त गरे ।

उक्त कार्यक्रममा बेल्कोटगढी नगरपालिकाका उपमेयर कबिता ढुंगानाले बिबादित पक्षको समस्यालाई छिट्टै समाधान गर्न वडावडामा तालिमप्र्राप्त मेलमिलापकर्ताहरुलाई १५ दिनभित्र सुचना जारी गरी सुचिकृत गर्ने बताइन । उपमेयर ढुंगानाले अझैपनि बिबादित पक्षहरु बिश्वासिलो न्याय प्राप्त गर्न सकिने आशमा अदालत नै धाउने प्रबृति रहेको भन्दै न्यायिक समिती र मेलमिलापले नागरिकको बिश्वासलाई डगमगाउन दिन नहुने उल्लेख गरिन । सो कार्यक्रममासमाजमा हुने झैझगडाको प्रमुख जड नै मद्यपानको सेवन रहेको तारुका प्रहरी चौकीका ईन्चार्ज कुलबहादुर कुँबरले बताए । उनले मादकपदार्थको उत्पादन र खरिद बिक्रीलाई अन्त्य गरिनुपर्ने बताए ।

प्राकृतिक स्रोत द्धन्द्ध रुपान्तरण केन्द्रले नुवाकोटको ८० वटा वडामा मेलमिलाप केन्द्र गठन गरेको जानकारी दिदै केन्द्रका जिल्ला संयोजक सिताराम पौडेलले अब बिदुर र बेल्कोटगढी नगरपालिका गरी ८ वटा वडामा मेलमिलापक केन्द्र गठन गर्न बाँकी रहेको बताए । प्राकृतिक स्रोत द्धन्द्ध रुपान्तरण केन्द्रले पछिल्लो समय नुवाकोटको द्धन्द्ध रुपान्तरणको लागि प्रभावकारी रुपमा काम गर्दै आएको छ ।