देबिघाटबाट पृथ्बीनारायण शाहको पूर्णकदको शालिकसँग रहेको तरबार हरायो,खोजी कार्य जारी

नुवाकोट।बिदुर नगरपालिका वडा नम्बर ५ मा रहेको पृथ्बीनारायण शाहको पूर्णकदको शालिकसँग रहेको तरबार हराएको छ ।

नेपाललाई एउटै देश बनाउने अभियान स्वरुप पहिलो पटक नुवाकोटमा नै बिजय अभियानको सुरुवात गरेका पृथ्बीनारायण शाहको देहाबसान पनि नुवाकोटमा नै भएको थियो । उहाँले अन्तिम श्वास फेर्नुभएको देबिघाट स्थित ढुंगामा निर्मित पूर्णकदको शालिकबाट बिहिबार रातीदेखि ऐतिहासिक तरबार हराएको जिल्ला प्रहरी कार्यालय नुवाकोटले जनाएको छ । प्रहरी तथा स्थानीयबासी, स्मारक संरक्षण समितीले हराएको तरबारको खोजी कार्य सुरु गरेको छ ।
शाालिकसँगै टाँसिएको पाँच फिट लामो तरबार भाँचिएको अबस्थामा देखिएको छ । सो पृथ्बी स्मारकमा प्रत्येक बर्षको पुस २७ गते पृथ्बी जयन्ती मनाईदै आएको छ । महत्बपूर्ण सम्पदाबाट धार्मिक तथा ऐतिहाँसिक बस्तु हराउनु लज्जास्पद रहेको बिदुर नगरपालिका पडा नम्बर ५ का बडा सदस्य लगायत स्थानीयबासीहरुले बताएका छन् ।