इन्धनको मूल्य दुई रुपैयाँ घट्यो
विदुर खबर
२०७५ मंसिर १७ गते १४:५१

काठमाडौँ — नेपाल आयल निगमले इन्धनको मूल्य प्रतिलिटर २ रुपैयाँ घटाएको छ । निगमले सोमबार राति १२ बजेदेखि लागू हुनेगरी पेट्रोल,डिजेल र मट्टितेलको मूल्य घटाएको हो ।

‘भारतीय आयल निगम(आइओसी)ले पठाएको नयाँ मूल्यसूची अनुसार प्रतिलिटर पेट्रोलमा दूई, डिजेलमा दुई र मट्टितेलमा दुई रुपैयाँ घटाएका छौँ,’ निगमका प्रवक्ता बिरेन्द्र गोइतले भने,‘नयाँ मूल्य सोमबार राति १२ बजेदेखि लागू हुनेछ ।’
नयाँ मूल्य लागू भएपछि प्रतिलिटर पेट्रोल १ सय १२ रुपैँया, डिजेल र मट्टितेलको ९९/९९ रुपैयाँ पर्नेछ ।निगमका अनूसार हवाई इन्धन र खाना पकाउने एलपी ग्यासको मूल्य भने यथावत राखेको जनाएको छ ।
सम्बन्धित
प्रतिक्रिया