एसईईको पूरक परीक्षा असार १ देखि

नुवाकोट । राष्ट्रिय परीक्षा बोर्डले माध्यमिक शिक्षा परीक्षा (एसईई) को पूरक (मौका) परीक्षाका लागि आवेदन फाराम खुलाएको छ ।

एसईईमा ‘ननग्रेड’ आएका विद्यार्थीका लागि आउँदो असार १ गतेदेखि परीक्षा सञ्चालन गर्ने जानकारी पनि दिइएको छ । परीक्षा नियन्त्रण कार्यालय कक्षा १० ले पूरक परीक्षामा सहभागी हुन चाहने विद्यार्थीलाई आजदेखि जेठ १५ गतेसम्म आवेदन फाराम बुझाउन सूचित गरेको छ ।

कार्यालयका अनुसार २०८२ को परीक्षा आवेदन फाराम भरेका तर कुनै एक विषयको परीक्षामा पनि सहभागी नभएका र परीक्षा रद्द भएका विद्यार्थीले फाराम भर्न पाउने छैनन् ।

वैशाख २८ गते सार्वजनिक नतिजाअनुसार एक लाख ४६ हजार पाँच सय सात जना विद्यार्थी ननग्रेडेडमा छन् ।