धादिङको बैरेनीमा दुई बस ठोक्किए, १२ जना घाइते

नुवाकोट । पृथ्वी राजमार्गअन्तर्गत धादिङको बैरेनीमा दुईवटा बस ठोक्किँदा १२ जना घाइते भएका छन् ।

घाइतेमध्ये तीन जनाको अवस्था गम्भीर छ । काठमाडौंबाट पोखरा र वीरगञ्जतर्फ गइरहेका बस गएराति आपसमा ठोक्किएका हुन् । घाइतेहरुलाई प्रहरीले राति नै उद्धार गरी अस्पताल पठाएको थियो ।

आपसमा ठोक्किएका बस र घाइतेहरुको विस्तृत विवरण खुल्न बाँकी छ ।