विश्व मधुमेह दिवस नुवाकोटमा पनि मनाइयो

विदुर÷विश्व मधुमेह दिवस विदुरमा पनि मनाइएको छ ।

विदुर नगरवालिका वडा नं ४ तथा जिल्ला मधुमृह संघ नुवाकोटको संयोजन र जिल्ला जनस्वास्थ्य कार्यलय नुवाकोटको सहयोगमा भएको कार्यक्रममा जिल्ला जनस्वास्थ्य कार्यलय नुवाकोटका निमित्त प्रमुख राममणि घिमिरेले नुवाकोटमा करिव ३० हजारभन्दा बढी मधुमेहको रोगी रहेको बताए । उनले मधुमेह जटिल रोग नभएपनि छिट्टै औषधी रोगको पहिचान नगरी हेलचक्राई गरेमा रोगले जटिल अवस्थामा लैजाने बताए ।

कार्यक्रममा नुवाकोट मधुमेह संघका अध्यक्ष धननारायण चित्रकारले मधुमेह भयो भन्दैमा आत्तिनु नपर्ने भन्दै समयमा पहिचान गरे समस्या नहुने बताए । कार्यक्रममा विदुर नगरपालिका वडा नं ४ का वडाअध्यक्ष टलकमान श्रेष्ठले नुवाकोटमा दिनप्रतिदिन मधुमेहको रोगी बढेको भन्दै नगरपालिकाले स्वास्थ्य क्षेत्रमा पनि बजेट पहल गर्नुपर्ने र त्यसका लागि आफुले पहल गर्ने बताए ।

कार्यक्रममा नुवाकोट उधोग वाणिज्य संघका अध्यक्ष तारावहादुर कार्की, नुवाकोट मधुमेह संघका उपाध्यक्ष रामकृष्ण राजभण्डारीले मधुमेहको वारेमा सबैले जानकारी लिनुपर्नै बताएका थिए । कार्यक्रममा करिव एकसयभन्दा बढीको रगत जाँच गरी मधुमेहको बारेमा जानकारी गराइएको थियो । २०७२ सालमा स्थापना भएको नुवाकोट मधुमेह संघ र जिल्ला जनस्वास्थ्य कार्यलयको सहयोगमा मधुमेह सम्बन्धि विविध जनचेतनामुलक काम गरिरहेको जिल्ला जनस्वास्थ्य कार्यलयका फोकल पर्सन जर्नादन शिलवालले बताए ।