रसुवाको टिमुरेमा करेन्ट लागेर एक जनाको मृत्यु

नुवाकोट । रसुवाको टिमुरेमा करेन्ट लागेर एक जनाको मृत्यु भएको छ ।

गोसाइँकुण्ड गाउँपालिका–३ टिमुरेमा शनिबार दिउँसो करिब १ः१५ बजे करेन्ट लागेर एक जनाको मृत्यु भएको हो । मृत्यु हुनेमा कालिका गाउँपालिका–३ का ५० वर्षीय शिव पौडेल रहेको जिल्ला प्रहरी कार्यालय रसुवाका इन्स्पेक्टर तथा सूचना अधिकारी राजु शाहले बताए ।

उनका अनुसार सडक निर्माण कार्य गर्दै गर्दा उनलाई करेन्ट लागेको थियो । उनको घटनास्थलमै मृत्यु भएको हो ।

मृतकको शवलाई पोष्टमार्टमका लागि जिल्ला अस्पताल रसुवा पु¥याइएको र घटनाबारे थप अनुसन्धान भइरहेको प्रहरीको भनाइ छ।