रसुवामा भीरबाट खस्दा एक जनाको मृत्यु

नुवाकोट । रसुवामा भीरबाट लडेर एक जनाको मृत्यु भएको छ ।

मृत्यु हुनेमा आमाछोदिङमो गाउँपालिका वडा नम्बर ५ पाताङगाङका ४७ वर्षीय सोनाम दोर्जे तामाङ रहेका छन् ।
आमाछोदिङमो गाउँपालिका वडा नम्बर ५ स्थित सिनो जलविद्युत आयोजनाको पाजुङ कालो डाँडा क्षेत्रमा सफाइ गर्ने क्रममा भीरबाट खस्दा उनको मृत्यु भएको जिल्ला प्रहरी कार्यालय रसुवाले जानकारी दिएको छ ।

उनी शुक्रवार बिहान करिब ९ बजे सिनो जलविद्युत आयोजना अन्तर्गत पाजुङ कालो डाँडा क्षेत्रमा बाटो र नाली सफा गर्ने क्रममा करिब ४ सय मिटर तल खसेका थिए ।

प्रहरीले तामाङलाई मृत अवस्थामा फेला पारेको जिल्ला प्रहरी कार्यालय रसुवाका प्रहरी नायब उपरीक्षक हेमबहादुर शाहले जानकारी दिए ।

मृत शरीर सिनो जलविद्युत आयोजनाको सवारी मार्फत रसुवा अस्पताल पुर्याइएको र अस्पतालले मृत घोषणा गरेको प्रहरीले जनाएको छ ।

पोष्टमार्टमपछि शव परिवारको जिम्मा लगाइएको प्रहरीले जानकारी दिएको छ ।