पहिरो खसेपछि पृथ्वी राजमार्ग अवरुद्ध

नुवाकोट । पृथ्वी राजमार्गको गल्छी-गजुरी सडक खण्ड अवरुद्ध भएको छ ।

राजमार्गको सो सडक खण्डमा पर्ने आदमघाट नजिकै वर्षासँगै आएको पहिरा खसेपछि दुवैतर्फ सडक अवरुद्ध भएको हो । राजमार्गमा पहिरो पन्छाउने प्रयास भईरहेको छ । पहिरो पन्छाउनका लागी प्रहरी उपकरणसहित पहिरो खसेको स्थानतर्फ गएको जिल्ला ट्राफिक प्रहरी कार्यालय गजुरीले जनाएको छ ।

पहिरो पन्छाउन केही समय लाग्ने प्रहरीको भनाई छ । पहिरोका कारण सो राजमार्ग भएर संघीय राजधानी प्रवेशका लागी आएका रात्रिसेवा यातायातका सवारीसाधन र विहान राजधानीबाट देशका विभिन्न भागमा जानका लागी छुटेका सवारीका साधनहरु सडकमै रोकिएका छन् ।