नुवाकोटको सबै रुटमा सरकारले तोकेको भाडादर लागु हुने,बढी लिए कारवाही

नुवाकोट असोज १८, नुवाकोटको सबै सरकारले तोकेको भाडादर मात्र लागु हुने भएको छ ।

बिहिबार जिल्ला प्रशासन कार्यलयमा नुवाकोटमा निमित्त प्रमुख जिल्ला अधिकारी नन्दलाल शर्माको अध्यक्षतमा बसेको सर्वपक्षिय बैठकले सरकारले तोकेको भाडादर सबै रुटमा mागु गरिने निमित्त प्रमुख जिल्ला अधिकार िशर्माले विदुरखबरलाई बताए । नुवाकोट प्रहरी प्रहरी उपरिक्षक वसन्त कुवर,प्रमुख अनुसन्धान अधिकृत धिरेन्द्र वानिया र शशस्त्र प्रहरीका नुवाकोट प्रमुख निरञ्जन भण्डारीसहित यातायात व्यवसायीहरुबिचको छलफलले सो निर्णय गरेको हो ।

छलफलले छतमा यात्रुहरु नराख्ने,यात्रुका झिटिगुन्टा बाहेकाका समान नराख्ने, यात्रुहरुलाई शिष्ट व्यवहार गर्ने निश्कर्ष निकालेको छ । साथै स्थानिय रुटको भाडाको विषयमा भने प्रमुख जिल्ला अधिकारी जिल्ला आएपछि छलफल गरिने बताइएको छ । छलफलबाट पारित गरिएको निर्णयको कार्यान्यनको अनुगमन गर्ने जिम्मा जिल्ला प्रहरी कार्यालयलाई दिइएको छ । सबारीसाधन मापदण्ड बिपरित सञ्चालन भएको पाईएमा आफुहरु कारबाही गर्न बाध्य हुने प्रहरी प्रमुख बसन्त कुँबरले बताए । प्रहरी प्रमुख कुवरले यातायात व्यवस्था विभागले तोकेको भन्दा बढी भाडा लिएको पाइएमा आफुहरुले तत्काल ठाउँको ठाउँ कारवाही गर्ने बताउनुभयो । चाडपर्वको समयमा यात्रुहरु ठगिनेक्रम बढिरहेको भन्दै ट्राफिक प्रमुख शम्भूु अधिकारीले सवारीसाधनको भाडा तिर्दा आफु पनि सजग हुन आग्रह गरेका छन । बिशेष गरी ग्रामीण भेगका यात्रुहरु चाडपर्वको बेलामा सदरमुकाम सामान किनबेचका लागी आउने गरेको र यातायात ब्यबसायीहरुले जति रुपैया तोके पनि आफुहरुले बढी भाडा दिएर यात्रा गर्नपरेको गुनासो गरेका छन् ।