नुवाकोटको बेलकोटगढीमा करेन्ट लागेर एक युवकको मृत्यु

नुवाकोट । नुवाकोटमा करेन्ट लागेर एक युवकको मृत्यु भएको छ।

बेलकोटगढी नगरपालिका–५, केउरेनीका २४ वर्षीय प्रदिप राईको मृत्यु भएको हो। सोमबार कुखुरालाई दानापानी दिने क्रममा खोरमा रहेको बिजुलीको तारमा छोइदा राई घाइते भएका थिए।

उपचारका लागि अम्बे भरोसा अस्पताल गल्छी धादिङमा लगिएकोमा मृत्यु भएको प्रहरीले जनाएको छ।

घटनाको विषयमा अनुसन्धान भइरहेको प्रहरीले जनाएको छ ।