हत्याको आरोपमा शिवपुरीका सुकु तामाङ पक्राउ

नुवाकोट । बृद्ध महिलाको हत्यामा संलग्न भएको आरोपमा प्रहरीले एकजनालाई पक्राउ गरेको छ ।

पक्राउ पर्नेमा शिवपुरी गाउँपालिका वडा नम्बर ६ का २२ वर्षिय सुकु तामाङ रहेको जिल्ला प्रहरी कार्यालय नुवाकोटका प्रहरी उपरिक्षक संजय सिंह थापाले जानकारी दिए ।

गत सोमवार राती १० बजेको समयमा शिवपुरी गाउँपालिका वडा नम्बर ६ खत्रीटोल वस्ने ७५ वर्षिय नेत्र कुमारी घर्ती क्षेत्रीको धारिलो हतियार प्रयोग गरि हत्या भएको थियो ।

ADVERTISEMENT

अनुसन्धानको क्रममा घटनामा संलग्न तामाङलाई जिल्ला प्रहरी कार्यालय नुवाकोटबाट खटिएको प्रहरीले पक्राउ गरेको हो । घटनामा संलग्न तामाङको साथबाट प्रहरीले ८३ हजार रुपैयाँसहित मृतकले कानमा लगाएको सुनको बेरुवा र पोते बिनाको तिलहरी वरामद गरेको छ ।

हत्यापछि फरार रहेको तामाङलाई प्रहरीले बुधवार आफ्नै घरमा लुकी रहेको अवस्थामा पक्राउ गरेको छ । निज अभियुक्तलाई मुलुकि अपराध संहिता २०७४ बमोजिम ज्यान तथा लुटपाट सम्बन्धी कसूरमा जिल्ला अदालत नुवाकोटबाट ७ दिन म्याद थप गरि अनुसंधान अगाडी बढाइएको छ ।