सहयोगी बहुउद्देश्यीय सहकारी संस्थाको अध्यक्षमा रिजाल

नुवाकोट । नुवाकोटको विदुर नगरपालिका वडा नम्बर ९ डिहिबजारमा रहेको सहयोगी बहुउदेश्यीय सहकारी संस्था लिमिटेडको अध्यक्षमा केदार प्रसाद रिजाल चयन भएका छन् ।

शनिवार भएको सहकारीको अधिवेशनले रिजालको नेतृत्वमा कार्यसमिति चयन गरेको हो । सहकारीको उपाध्यक्षमा उमङ्ग मान शाक्य चयन भएका छन् भने सचिवमा यादव अधिकारी र कोषाध्यक्षमा माधव प्रसाद अधिकारी चयन भएका छन् ।

सदस्यहरुमा श्रृजना गुरुङ्ग, सर्मिला श्रेष्ठ, गोकर्ण थपलिया, नवराज ओझा र कविन्द्र प्रधान चयन भएका छन् ।

यस्तै लेखा सुपरिवेक्षण समितिको संयोजकमा शारदा प्रसाद पौड्याल चयन भएका छन भने सदस्यहरुमा रामकुमार रिजाल र नवीन डङ्गोल रहेका छन् ।