कांग्रेस सभापति देउवा नुवाकोट आउँदै

नुवाकोट । नेपाली कांग्रेसका सभापति तथा पुर्व प्रधानमन्त्री शेरवहादुर देउवा  नुवाकोट आउने भएका छन् ।

नेपाली कांग्रेस नुवाकोटको प्रथम जिल्ला सम्मेलनमा भाग लिन देउवा आगामी पुष २ गते नुवाकोट आउन लागेको नेपाली कांग्रेस नुवाकोटका जिल्ला सभापति रमेश महतले जानकारी दिए ।

कांग्रेस पार्टी कार्यालय विदुरमा हुने प्रथम जिल्ला सम्मेलनमा भाग लिन कांग्रेसका हेभिवेट नेताहरु नुवाकोट आउने बताइएको छ । नुवाकोट आउने नेताहरुमा शेखर कोइराला, सह–महामन्त्री डिना उपाध्याय केन्द्रिय सदस्यहरु डा. रामशरण महत, अर्जुननरसिंह केसी, डा. प्रकाशरण महत र वहादुरसिंह लामासँगै नेपाली कांग्रेस बाग्मति प्रदेश सभापति इन्द्र बानिँया रहेका छन् ।

जिल्ला सम्मेलन भव्य बनाउन विभिन्न समिति तथा उपसमितिहरु समेत गठन गरिएको नेपाली कांग्रेस नुवाकोटले जनाएको छ ।