सामाजसेवी खड्काद्धारा विद्यार्थीहरुलाई जुत्ता मोजा उपाहार

नुवाकोट । नेकपा एमाले नुवाकोटका युवा नेता तथा समाजसेवी शुशिल खड्काले दशैको अवसर पारेर तादी गाउँपालिका वडा नम्बर ३ मा रहेको प्रभुडाँडा आधारभुत विद्यालयका विद्यार्थीहरुलाई जुत्ता र मोजा उपाहार दिएका छन् ।

दशैको पुर्वसन्ध्यामा समाजसेवी खड्काले विद्यालयका ७२ जना बालबालिकाहरुको लागि जुत्ता र मोजा उपलब्ध गराएका हुन् ।
त्यस्तै खड्काले विद्यालयको परिषरमा निर्माण भइरहेको मन्दिरमा सरस्वतीको मुर्ति स्थापनाको लागि भन्दै नगद १० हजार रुपैयाँ आर्थिक सहयोग गरेका छन् ।

नुवाकोट क्षेत्र नम्बर १ को प्रदेश क का प्रत्यासी समेत रहेका खड्काले चुनावको समयमा गरेको प्रतिवद्धता अनुसार विभिन्न विद्यालयहरुमा पुगेर विद्यार्थीहरुलाई शैक्षिक सामाग्री वितरण गर्नुको साथै विभिन्न असहाय गरिव र वृद्धवृद्धाको लागि आर्थिक सहयोग व्यक्तिगत रुपमा गराइरहेका छन् ।

सधैँ समाजसेवामा रमाउने खड्काले आफुलाई सुखमा नभई दुखमा सम्झन आग्रह गर्दै आइरहेका छन् ।